"Ювентус" ҳужумчиси Криштиану Роналду 2000 йилдан бери Италия чемпионатида битта гол уриш учун сарфлаган вақт бўйича энг яхши футболчи бўлиб турибди.
Transfermarkt тарқатган хабарга кўра, 35 ёшли футболчи ҳар 110 дақиқада битта гол урмоқда. Ундан кейинги ўринларни эгаллаб турган Кристиан Вьери ва Давид Трезеге битта гол учун мос равишда 115 ва 127 дақиқа сарфлашган.
Эслатиб ўтамиз, Роналду 2018 йилнинг ёзидан буён А серияда ўйнамоқда ва шу пайтгача у 42та гол урди. Криштиану 21та гол билан Италия чемпионатининг ушбу мавсумида тўпурарлар пойгасида иккинчи ўринда бормоқда. Тўпурарлар пойгасида пешқадамлик қилаётган Иммобиле ҳисобида 27та гол мавжуд.
