«Барселона» клуби юзага келган иқтисодий инқироз пайтида пул тежашда давом этмоқда.
"Кўк-анорранглилар" аъзолари 30 март санасидан бери ўз маошларининг 70 фоизини олишмаяпти. Клуб ушбу чекловни май ойининг сўнгги ҳафтасида ҳам сақлаб қолишга қарор қилди.
Шунингдек, жамоа июнь ойининг дастлабки 2 ҳафтасида маошларни 50%га қисқартиришни режалаштирмоқда. Бундай қарор футболчиларни ҳайрон қолдирди. Чунки, раҳбарият бундай қарор борасида ўйинчиларни аввалдан огоҳлантириб қўймаган эди.
Можаро юзага келмаслиги учун футболчилар билан гаплашиш мақсадида "Барса" президенти Хосеп Бартомеунинг шахсан ўзи машғулот базасига ташриф буюрди.