Март ойида миллий чемпионатлар тўхтатилиши ортидан сайтимизда ўтказилиб келинаётган "Футбол башорати" танлови ҳам танаффусга чиққан эди.

Ушбу ҳафтада Испания Ла-лигаси қайта старт олади. Испания чемпионатининг 28-тур ўйинлари март ойи санаси билан киритилган эди. Ўйинларга ўз тахминларини киритишга улгурмаган мухлислар учрашувлар бошлангунига қадар ҳисобларни киритишлари мумкин.

Танлов қоидалари билан яна бир марта таништириб ўтамиз.

А) Сайтда рўйхатдан ўтган мухлислар иштирок эта олади.

B) Сайтдаги "Футбол башорати" танловининг ИСПАНИЯ-2019/2020 бўлимига кириб, битта турда келтирилган ўйинлар учун ўзингизнинг тахминий натижаларингизни киритинг, сўнгра "ОК" тугмасини босинг. Турдаги ўйинларга вариант киритиш баҳс бошланишига 1 соат вақт қолганида тўхтатилади.

С) Ла лигада жами 38та тур ўйинлари ўтказилади. Мазкур танлов ҳам 38-турдан сўнг ўз якунига етади.

Ҳисоблаш тартиби
A) — Ҳисобни аниқ топган мухлисга — 3 балл;
— Фақатгина ғолиб жамоани тўғри топган мухлисга — 1 балл;
— ғолиб жамоа ватўплар фарқини ҳам тўғри топган ишқибозга — 2 балл;
— Дуранг билан якунланган, аммо ҳисоб аниқ топилмаган ўйин учун 2 балл тақдим этилади.

B) Натижалар ва мухлислар рейтинги билан ўша саҳифадаги "Рейтинг" бўлими орқали танишиб борасиз. Танлов якунида очколар тенг келиб қолганда ғолиб номи қуйидагича аниқланади:
— энг кўп топилган аниқ ҳисоблар сони;
— энг кўп топилган тўплар фарқи;

Мукофот жамғармаси
Танлов учун мукофот жамғармаси ажратилган бўлиб, дастлабки 5та ўринга қуйидагича мукофот берилади:
1-ўрин: 50 минг сўм
2-ўрин: 40 минг сўм
3-ўрин: 30 минг сўм
4-ўрин: 20 минг сўм
5-ўрин: 10 минг сўм

Барчага омад тилаймиз.

Футбол башорати: ИСПАНИЯ-2019/2020 ва унинг ҳозиргача бўлган РЕЙТИНГИ