Mart oyida milliy chempionatlar to‘xtatilishi ortidan saytimizda o‘tkazilib kelinayotgan "Futbol bashorati" tanlovi ham tanaffusga chiqqan edi.

Ushbu haftada Ispaniya La-ligasi qayta start oladi. Ispaniya chempionatining 28-tur o‘yinlari mart oyi sanasi bilan kiritilgan edi. O‘yinlarga o‘z taxminlarini kiritishga ulgurmagan muxlislar uchrashuvlar boshlanguniga qadar hisoblarni kiritishlari mumkin.

Tanlov qoidalari bilan yana bir marta tanishtirib o‘tamiz.

A) Saytda ro‘yxatdan o‘tgan muxlislar ishtirok eta oladi.

B) Saytdagi "Futbol bashorati" tanlovining ISPANIYA-2019/2020 bo‘limiga kirib, bitta turda keltirilgan o‘yinlar uchun o‘zingizning taxminiy natijalaringizni kiriting, so‘ngra "OK" tugmasini bosing. Turdagi o‘yinlarga variant kiritish bahs boshlanishiga 1 soat vaqt qolganida to‘xtatiladi.

S) La ligada jami 38ta tur o‘yinlari o‘tkaziladi. Mazkur tanlov ham 38-turdan so‘ng o‘z yakuniga yetadi.

Hisoblash tartibi
A) — Hisobni aniq topgan muxlisga — 3 ball;
— Faqatgina g‘olib jamoani to‘g‘ri topgan muxlisga — 1 ball;
— g‘olib jamoa vato‘plar farqini ham to‘g‘ri topgan ishqibozga — 2 ball;
— Durang bilan yakunlangan, ammo hisob aniq topilmagan o‘yin uchun 2 ball taqdim etiladi.

B) Natijalar va muxlislar reytingi bilan o‘sha sahifadagi "Reyting" bo‘limi orqali tanishib borasiz. Tanlov yakunida ochkolar teng kelib qolganda g‘olib nomi quyidagicha aniqlanadi:
— eng ko‘p topilgan aniq hisoblar soni;
— eng ko‘p topilgan to‘plar farqi;

Mukofot jamg‘armasi
Tanlov uchun mukofot jamg‘armasi ajratilgan bo‘lib, dastlabki 5ta o‘ringa quyidagicha mukofot beriladi:
1-o‘rin: 50 ming so‘m
2-o‘rin: 40 ming so‘m
3-o‘rin: 30 ming so‘m
4-o‘rin: 20 ming so‘m
5-o‘rin: 10 ming so‘m

Barchaga omad tilaymiz.

Futbol bashorati: ISPANIYA-2019/2020 va uning hozirgacha bo‘lgan REYTINGI