Испаниянинг «Сельта» клуби бош мураббийи Оскар Гарсия Ла Лигада беш нафар футболчи алмаштириш қоидаси киритилишини танқид қилди.
— Келинглар, аниқлаб олайлик. Менинг фикримча, беш нафар футболчини алмаштиришга рухсат бериш фақатгина катта клубларга фойда келтиради. Фаворид клубларнинг заҳира ўриндиғида ҳам сифатли футболчилар ўтиради. Қолаверса, топ-клублардаги заҳира футболчиларини тахмин қиладиган бўлсак, улар Ҳалқаро характерга эга футболчилар эканлигига амин бўламиз. Қисқа қилиб айтганда, баъзи мураббийлар учун бешта футболчи алмаштириш катта устунликни беради, — Гарсиянинг сўзларидан иқтибос келтирмоқда Cadena Cope.
