Winlink спорт ҳомийлик агентлиги "Ливерпул"ни судга берди. Агентликнинг иддао қилишича, у БК BetVictor ва "Ливерпуль" ўртасида тузилган 15 миллион фунт стерлинг қийматдаги шартномада воситачилик қилган, аммо "қизиллар" 1,13 миллион фунт стерлинг маблағни тўламаган. Суд жараёни 8 июн куни бошланди ва беш кун давом этади.

Winlink адвокати Эндрю Сутклиффнинг таъкидлашича, компания томонларнинг учрашувини ташкил қилган, унда келишув тузилган: 2016 йилдан 2019 йилгача мавсумда букмекерлик компаниясининг рекламаси жамоанинг ўқув формасига жойлаштирилган.

Aммо "Ливерпуль" адвокати Роберт Aндерсоннинг таъкидлашича, Winlink музокараларда қатнашмаган. Унинг сўзларига кўра, шартномани имзолашга тайёргарлик 2,5 йил давом этган, уни халқаро алоқалар бўлими бошлиғи Рафаэлла Валентино бошқарган. У BetVictor ижрочи директори Aндрес Маинрад билан таниш бўлган.

Маълумот учун, "Aрсенал", "Челси", "Интер" ва "Юве" букмекерлар билан шартномалар тузишда шунга ўхшаш ёрдам олишган. Клублар воситачилик учун Winlink агентлигига фоиз тўлашган.