«Сток Сити» бош мураббийи Майкл О’Нил коронавирусга топширган тест мусбат натижа берди. Бу ҳақда Чемпионшип клуби расмий сайти хабар тарқатди.
Маълумотларга қараганда, 50 ёшли мутахассис шу пайтгача 5 марта тест топширган бўлиб, уларнинг барчаси манфий натижа берган эди. О’Нил карантинга йўл олди. У ўзининг мураббийлар штаби ва футболчилар билан видеоалоқа воситасида суҳбатлашиб туради. Бўлажак ўйинларга клубни унинг ёрдамчиси Билли МакКинлай тайёрлайди.
"Сток Сити" кеча "Манчестер Юнайтед" билан назорат ўйинида иштирок этиши керак эди. "Сток" футболчилари "МЮ" базасига етиб келган бўлсалар-да, Майкл О’Нилда коронавирус чиққани ҳақидаги хабар пайдо бўлиши билан учрашув бекор қилинди.
Чемпионшипда мавсум 20 июнь куни қайта бошланиши кутилмоқда.