«Утрехт» дарвозабони Микки ван Сас фаолиятини «Манчестер Сити»да давом эттирадиган бўлди. Бу ҳақда нидерландиклар матбуот хизмати расмий хабар тарқатди.

16 ёшли посбон учун курашда «шаҳарликлар» «Барселона» ва «Манчестер Юнайтед»дан устун келишди. Каталонияликлар ушбу футболчи учун музокараларларда жамоа академияси директори Патрик Клюйвертни жалб қилишган эди. Аммо ўтмишда машҳур футболчи ўз ватандошини Испанияга кўчиб ўтишга кўндира олмади.

«Биз Микки билан икки хил ҳиссиётда хайрлашяпмиз. Бир томондан, ўта иқтидорли дарвозабон билан хайрлашаётганимиздан афсусдамиз. Албатта, Микки бу ерда ривожланишини ва мухлисларни хурсанд қилишини истардик. Бошқа томондан, Микки олдинга қадар ташлаш нияти борлигини айтди. Биз эса унинг «Манчестер Сити»га ўтиш вариантини кўриб чиқяпмиз. Миккига Англиядаги фаолиятида омад тилаймиз», — деди «Утрехт» техник директори Жорди Зуидам.

2019/20 йилги мавсумда Микки ван Сас «Утрехта» U17 сафида ўйнади. Келаси мавсумда у «Ман Сити» U18 жамоасида ўйнаши кутилмоқда.