Испания чемпионатининг 28-тури доирасида «Реал» ўз уйида «Эйбар»ни қабул қилади. Мазкур ўйин учун "Қироллик клуби"нинг бошланғич таркибини тахмин қилиб кўрамиз.
Ҳозирда Лука Йович, Мариано Диас ва Начони инобатга олмаганда, барча футболчилар соппа-соғ. Аммо Зидан узоқ вақт жароҳатдан сўнг тикланган Марко Асенсио ва Эден Азарни дарҳол "жанг"га ташламаса керак. Уларни муҳим ўйинлар учун эҳтиёт қилиш керак.
Франциялик мутахассис ушбу мавсумда асосий таркиб қайси ўйинчиларга ишонаётганидан келиб чиқиб, бошланғич таркиб қуйидагича бўлиши мумкин:
Дарвозабон: Тибо Куртуа;
Ҳимоячилар: Марсело, Серхио Рамос, Рафаэль Варан, Дани Карвахаль.
Ярим ҳимоячилар: Каземиро, Тони Кроос, Федерико Вальверде
Ҳужумчилар: Карим Бензема, Жуниор Винисиус, Родриго
