«Реал» бош мураббийи Зайниддин Зидан Испания чемпионатининг 28-тури доирасида бўладиган «Эйбар»га қарши ўйин олдидан ўз фикрлари билан ўртоқлашди.

«Ҳозир "Барса"дан 2 очко ортда қоляпмиз. Бу кўп эмас, аммо кам ҳам эмас. Бизни 11та финал кутиб турибди. Биз эса Ла лигада ғолиб чиқиш учун бор кучи билан ҳаракат қиламиз.

Ла Лига – узоқ муддатли мусобақа. У менга ёқади. Жамоа чемпионатда барқарор иштирок этса, у Чемпионлар лигасида ҳам яхши ўйнайди. Примера – энг мураккаб ва узоқ давом этадиган турнир.

Испания футболи анча мураккаб, бизга кучли рақиблар қаршилик қилади. Бу эса менга ёқади. «Реал» футболкасини кияркансан, ҳар бир ўйин муҳим аҳамиятга эга бўлади», – деди Зидан.