«Барселона» ҳужумчиси Лионель Месси Ла лиганинг 28-тури доирасида бўлиб ўтган «Мальорка»га қарши ўйинда (4:0) битта гол урди ва иккита голга узатма берди.

32 ёшли футболчи Испания чемпионати тарихида кетма-кет 12та мавсумда камида 20та гол урган илк ўйинчига айланди.

Мессининг бундай барқарор серияси 2008/09 йилги мавсумда бошланган бўлиб, ўшанда у 23та тўп киритган эди. Унинг рекорди 2011/12 йилги мавсумга тўғри келган – 50 гол.

Криштиану Роналду «Реал» сафида кетма-кет 9та мавсумда камида 20та гол урган бўлса, Тельмо Сарранинг натижаси 7та мавсум тенг.

Месси Ла лиганинг жорий мавсумида «гол+пас» тизими бўйича 34 балл (20+14) тўплади.

Мессининг сўнгги 12 мавсумда урган голлари сони:

23 - 08/09
34 - 09/10
31 - 10/11
50 - 11/12
46 - 12/13
28 - 13/14
43 - 14/15
26 - 15/16
37 - 16/17
34 - 17/18
36 - 18/19
20 - 19/20