«Барселона» бош мураббийи Кике Сетьен Испания чемпионатининг 28-тури доирасида бўлиб ўтган «Мальорка»га қарши ўйин (4:0) борасида ўз фикрини билдириб ўтди.
«Ҳиссиётлар яхши. Такомиллаштиришимиз керак бўлган жиҳатларимиз ҳамиша мавжуд, аммо мен ўйиндан қониқиш ҳосил қилдим. Бу самарали ҳаракат қилдик ва ўйин бошидаёқ ҳисобда олдинга ўтиб олдик.
Танаффусдан кейинги ўйинимиздан қониқдим. Узоқ давом этган танаффусдан кейинги илк учрашувда тезлик паст бўлганини танқид қилиш мумкин, аммо, назаримда, 10та ўйиндан иборат спринтимиз учун бу яхши старт бўлди.
Суарес майдонга тушиб, ўз ишини яхши бажарди. У ақлли қарорлар қабул қилди, бунинг учун уни мақташ мумкин. Албатта, у янада яхшироқ ўйнайди, лекин бугун ажойиб ҳаракат қилди.
Ротация учун менда имкониятлар кўп. Бу жараёнда камроқ иштирок этадиган футболчилар бўлади, лекин, умуман олганда, барчага ўйин амалиёти берилади. Ўйинлар тиғиз тақвимда ўтказилганда бу нормал ҳолат», – деди Сетьен.