Европа миллий чемпионатларининг ўтган ҳафтадаги ўйинларидан кейин «Олтин бутса» учун курашда кичик жоналиш кузатилди.

"Барселона" сардори Лионель Месси "Мальорка"га қарши ўйинда битта гол уриб, Ла лигадаги голлари сонини 20тага етказиб олди. Натижада аргентиналик футболчи ўзидан олдинда бораётган Криштиану Роналдуга етиб олишига битта гол қолди.

Дортмунднинг "Боруссия" клуби ҳужумчиси Эрлинг Холанд ҳам дам олиш кунлари битта голга муаллифлик қилди. Натижада унинг ҳисобидаги очколар сони 46тага етди. У кучли учлик сари интилмоқда.

Жадвалдаги яна бир ўзгариш — Австриянинг «Вольфсбергер» клуби ҳужумчиси Шон Вайссман ўз голларини 25тага етказиб (37,5 балл), жадвалда 8-ўринга кўтарилиб олди.

«Олтин бутса» учун курашда «Бавария» форварди Роберт Левандовски етакчилик қилмоқда. Польшалик футболчи ҳисобида 30та гол (60 очко) мавжуд бўлса, иккинчи ўриндаги Чиро Иммобиле («Лацио») 27та гол (54 очко) иккинчи ўринни эгаллаб турибди. «Лейпциг» аъзоси Тимо Вернер (25 гол, 50 очко) кучли учликка кирди.

«Олтин бутса» учун кураш жадвали:

1. Роберт Левандовски («Бавария» (Германия), 30 гол × 2.0 коэф. = 60 очко);
2. Чиро Иммобиле («Лацио» (Италия), 27 × 2.0 = 54);
3. Тимо Вернер («РБ Лейпциг» (Германия), 25 × 2.0 = 50);
4. Эрлинг Холанд («РБ Зальцбург» (Австрия) / «Боруссия» (Дортмунд, Германия) — 16 × 1.5 + 11 × 2.0 = 46);
5. Криштиану Роналду («Ювентус» (Италия), 21 × 2.0 = 42);
6. Лионель Месси («Барселона» (Испания), 20 × 2.0 = 40);
7. Жейми Варди («Лестер» (Англия), 19 × 2.0 = 38);
8. Шон Вайссман («Вольфсбергер» (Австрия), 25 × 1.5 = 37.5);
9. Килиан Мбаппе («ПСЖ» (Франция), 18 × 2.0 = 36);
10. Виссам Бен-Йеддер («Монако» (Франция), 18 × 2.0 = 36).