Суперлиганинг 4-туридан ўрин олган "Насаф" ҳамда "Навбаҳор" жамолари ўртасидаги ўйиндан (2:2) сўнг "лочинлар"нинг иккинчи голига муаллифлик қилган Забиҳилло Ўринбоев қуйидаги фикрларни билдириб ўтди. 

"Авваламбор футбол қайтгани билан барчани табриклайман. Тўғри анча муддат футбол ўйнамадик ва машғулотлар кам бўлди, бироқ биринчи ўйин яхши кечди. Кучли рақибга қарши муносиб ўйин кўрсатдик. Афсус, бу ўйинда ғалаба қозониш насиб қилмади. Кейинги ўйинларда ғалаба қозонишга ҳаракат қиламиз.

Бундай ажойиб ўйинга мухлислар етишмади. Кейинги ўйинларда ғалаба қозониб, албатта "Навбаҳор" мухлисларини хурсанд қиламиз.

Рақибга тўхталадиган бўлсам, "Насаф" тўпни яхшни назорат қилди. Қаршиликлар Суперлиганинг энг яхши 5 жамоасидан бири ҳисобланади.

Ҳар бир ҳужумчи майдонга гол уриш учун тушади. Тўғрисини айтсам, захирадан тушаётганимда гол уришимни сезгандим. Мураббий мени ҳужумларни кўпайтириш учун тушурганди. Гол урганимдан хурсандман.

Жамоадаги рақобат? Ҳар бир жамоада рақобат бўлади, хоҳ у легионер бўлсин, хоҳ маҳаллий. Рақобат ҳамма учун фойдали. Рақобат бор жойда ўсиш бўлади", -дейди Ўринбоев.