"Реал" Испания чемпионатининг 28-туридан ўрин олган «Эйбар»га қарши ўйинда ишончли ғалабани қўлга киритган бўлса-да, клуб бош мураббийи Зайниддин Зидан жамоа ўйинидан қониқиш ҳосил қилмади.
"Marca" тарқатган хабарга кўра, ўйин якунланиши билан франциялик мутахассис кийиниш хонасининг ўзида футболчиларни уришиб берган. Мураббийнинг асосий эътирози иккинчи бўлимда концентрациянинг йўқолиши ва футболчиларнинг бўшашганига бўлган.
Ушбу мавсумда «Мадрид» яна баъзи ўйинларда иккинчи бўлимда бўшашган эди. Жумладан, «Леванте» (биринчи бўлимдан сўнг 3:0, якуний ҳисоб — 3:2) ва «Гранада» (биринчи бўлимдан сўнг 3:0, якуний ҳисоб — 4:2) билан ўйинлар бунга мисол бўлади.