«Ювентус» бош мураббийи Маурицио Сарри "Милан"га қарши бўлиб ўтган Италия кубоги ярим финал босқичи доирасидаги учрашувда Криштиану Роналдуга ўйинига баҳо берди.

«Роналду дастлабки 30 дақиқада яхши ўйнади, кейин эса йўқолиб қолди. Бу жисмоний ҳолатнинг ҳали оптимал эмаслиги билан боғлиқ. Шунга қарамай, у ҳамма жойда фойдали ҳаракат қилди, ҳаттоки ҳимояда ҳам. Статистика нуқтаи назаридан у ўзини яхши кўрсатди.

Унинг иқтидорига шубҳа йўқ. У майдонда 3 метр нарида ёки берида турадими, бунинг аҳамияти йўқ. Унга қўйилган талаб ҳимоявий ҳаракатларга боғлиқ эди, ҳужумдагига эмас», – деди Сарри "Corriere dello Sport"га берган интервьюсида.