«Барселона» ҳужумчиси Лионель Месси Ла лига доирасида пенальтидан урилган голлар сони бўйича «Реал», «Атлетико» ва «Райо Вальекано» клубларининг собиқ футболчиси Уго Санчеса билан тенглашиб олди. Энди ҳар икки футболчи ҳисобида 11 метрли жарима зарбасидан урилган 56та гол мавжуд.
Месси Испания чемпионатининг 29-тури доирасида «Леганес»га қарши бўлиб ўтган баҳснинг иккинчи бўлимида белгиланган пенальтидан самарали фойдаланди.
Ла лигада пенальтидан киритилган тўплар бўйича Криштиану Роналду етакчи ҳисобланади. Португалиялик футболчи 61 марта рақиб дарвозабонларини пенальтидан хафа қилган.
