«Барселона» клуби собиқ футболчиси Ривалдо "кўк-анорранглилар" ҳужумчиси Антуан Гризманн ҳақида ўз фикрини билдириб ўтди. Унинг фикрича, Лионель Месси франциялик футболчига ёрдам бериши керак.

"Рестартдан кейин «Барселона» 2та ўйинда ғалаба қозонди, Гризманн бошланғич таркибда майдонга тушди, аммо Антуан «Атлетико»даги фаолиятига нисбатан ўзига ўхшамаяпти. Баъзилар "у «Барселона»да янги Коутиньо бўладими", дея савол бера бошлади.

Голларнинг йўқлиги футболчининг руҳиятини туширади ва Гризманнга нисбатан ишончнинг пасайишига олиб келади. Шунинг учун Антуанга Мессининг ёрдами керак. Масалан, "Барса" йирик ҳисобда ғалаба қозонаётганида Лео пенальтини Гризманнга бериши мумкин. Франциялик футболчи гол таъмини ҳис қилиши керак. Ўтган йилларда Месси Суаресга шундай тарзда ёрдам берган эди», — деди Ривалдо.

Гризманн Ла лиганинг ушбу мавсумида 28та ўйинда майдонга тушиб, 8та гол урди ва 4та голга узатма берди.