Бугун Cоcа Cола Суперлига 5-туридан ўрин олган сўнгги икки ўйин бўлиб ўтади. Муборакнинг “Машъал” жамоаси “Баҳром Вафоев” стадионида “Насаф” клубини қабул қилади.

Чемпионат доирасида мухлислар шу вақтга қадар ушбу жамоалар ўртасидаги 30 та воҳа дербиси гувоҳи бўлишган. 16 баҳсда қаршиликлар ғалаба қозонган бўлсалар, 8 та беллашувда “газчилар”нинг қўли баланд келган. Яна 10 қарама-қаршиликда эса ғолиб номи аниқланмаган. Тўплар нисбати 48-28, “Насаф” фойдасига.

“Машъал”нинг “аждарлар” устидан қозонган энг йирик ғалабси 4:1, “Насаф”нинг ўзаро ўйинлардаги энг йирик ғалабаси 3:0 ни ташкил этади.

Маълумот учун, ушбу қарама-қаршилик соат 19:00 да “Спорт” телеканали орқали жонли эфирда намойиш этилади.

Эслатиб ўтамиз, мазкур учрашув юртимизда жорий қилинган карантин қоида ва меъёрлари сабаб мухлисларсиз ўтказилади.