«Барселона» клуби Испания чемпионатининг 31-туридан ўрин олган «Атлетик»га қарши ўйин олдидан яқиндагина футболчилик фаолиятини якунлаган бильбаоликлар ҳужумчиси Ариц Адурисга эсдалик совғасини топширди.
«19 май куни шифокорлар менга операция қилиш кераклигини айтишди. Нормал ҳаёт кечиришим учун сонимга протез қўйиш керак экан. Профессионал спортчининг тақдири шундай. Мен жамоадошларимга бошқа ёрдам бера олмайман», – дея ёзган 39 ёшли Адурис твиттер орқали ўшанда.
Адурис 2012 йилдан буён «Атлетик» шарафини ҳимоя қилиб келди. Бу вақт давомида у Испания суперкубогини қўлга киритди ва мамлакат кубоги финалчисига айланди.
Ариц «Атлетик»дан ташқари «Валенсия», «Мальорка», «Реал Вальядолид», «Бургос» ва «Аурреру» жамоаларида ўйнаган.