Лео Мессининг ажойиб ўйинларидан бири 2008 йилги ЕЧЛ ярим финал ўйинида рўй берган. Ўшанда «МЮ» «Барселона»ни 1:0 ҳисобида мағлуб этганди, лекин Месси ўз ўйини билан яхши хотиралар қолдирганди. Бир вазиятда у Скоулздан жуда осонлик билан ўтиб кетганди. Скоулз ўша вазиятни ёдга олди.
«Ундан узоқроқда ўйнашни хоҳлаганимни тан олишдан қўрқмайман. У билан йўлим кесишмаслигига умид қилгандим.
«Ноқулай» - мана шу сўз унинг ўйинларини эслаганимда ёдимга тушади. Уни ушлаб турганингизни биласиз, лекин кўз очиб юмгунингизгача у қочиб кетган бўлади. У аллақачон ўз сайёрада бўлади», – деди Скоулз.
