«Барселона» клуби собиқ футболчиси Ривалдо каталонияликлар ҳимоячиси Пикенинг Ла лигадаги ҳакамлар борасида айтган фикрига ўз муносабатини билдирди.

Эслатиб ўтамиз, Жерар "Севилья"га қарши бўлиб ўтган ўйиндан кейин "сўнгги 2та турда рўй бераётган воқеалардан хулоса қиладиган бўлса, "Реал" бошқа очко йўқотмайди", деган мазмунда фикр билдирган эди.

«Барча учрашувларда VAR томонидан тўғриламаган ҳакамларнинг баъзи хатоларини кўряпмиз. Пикенинг фикрлари тушунарли, аммо, тез орада вазият унинг фойдасига ўзгариши мумкин.

Ҳакамлар атайлаб «Реал» фойдасига хато қилишяпти, деб ўйламайман. Чунки, орадан бир неча кун ўтиб улар «Барселона» фойдасига хато қилишади. Лекин барибир нима учун тўпни қўл билан ўйнаган ёки пенальти пайтида VAR ёрдам бермаётганини тушунмаяпман.

Ҳакамлар аниқ мақсад йўлида ҳаракат қилишмаётганига ишонгим келади. Чунки Испания футболини бутун дунёда ҳурмат қилишади. Қандайдир клубга, хоҳ у «Реал» бўлсин, хоҳ «Барселона», четдан кимдир ёрдам берса, жуда ачинарли ҳолат бўларди.

Шунинг учун ҳакамлар ёки VAR кимгадир ёрдам беришга интиляпти, деб ўйламайман. Умид қиламан, ҳакам қоидалардан келиб чиқиб ҳуштак чалишади», – деди Ривалдо.