Ўзбекистон Суперлигаси 6-туридан ўрин олган "Бунёдкор" ҳамда "Локомотив" ўйинидан кейин (2:0) "темирйўлчилар" футболчиси Даврон Умиров ўйин ҳақида фикр билдирди.
"Тўғриси, нима бўлаётганини тушунмаяпман. Биз ҳар бир ўйинда ғалаба қозониш учун майдонга чиқяпмиз. Бундай вазият ҳар бир жамоада бўлади. "Локомотив" аввал бунақа ҳолатга тушмаган, лекин бу бизнинг олдинга юришимизга сабабчи бўлади.
"Темирйўлчилар" доим олдига юқори мақсадларни қўйиб келган ва бундан кейин ҳам шундай бўлади. Тўғри, охирги ўйинларда мағлубиятга учрадик, лекин бу билан "Локо"ни чемпионлик курашидан чиқариш нотўғри.
Кўп футболчиларимиз жароҳатидан энди соғайишди. Бу ўйин даражамизга ўз таъсирини ўтказмай қолмади. Кейинги ўйинларда хатоларни камайтиришга ҳаракат қиламиз. Насиб қилса, навбатдаги ўйинларда ғалаба қозониб, мухлисларимизни хурсанд қиламиз", -дейди футболчи сайтимиз учун берган интервьюсида.
