Испания чемпионатининг жорий мавсуми тобора "Реал"нинг чемпионлиги сари қадам кетаётгандек. Ла лиганинг рестартидан кейин ажойиб серия ўтказаётган «Сельта» ўз уйида "Барселона"дан очко тортиб олди.
Учрашув давомида ҳар иккала жамоа кўп хавфли вазиятлар яратишди. Биринчи бўлимда каталонияликлардан улардан бирини голга айлантиришди. Месси барчани алдади ва жаримадан дарвоза томон зарба бермасдан, аксинча қулай вазиятда турган Суаресга узатма берди. Уругвайлик футболчи бош билан 4 метрдан дарвозани забт этди.
Иккинчи бўлим бошида эса "Сельта" ҳисобни тенглаштирди. Мезбонлар майдон марказида тўпни олиб қўйиб, ажойиб қарши ҳужум ташкил қилишди ва бундан унумли фойдаланишди. Жамоадошидан узатма қабул қилган Фёдор Смолов бўш дарвозани ишғол қилди.
Баҳснинг 67-дақиқасига келиб Сетьен шогирдлари яна олдинга ўтиб олишди. Каталонияликлар ҳужум қилаётган пайтда тўпни йўқотишганди, аммо улар ҳимоячилардан тўпни қайта олиб қўйиб, вазиятни гол билан якунлашди. Мессининг узатмасидан кейин Суарес ҳам қийин вазиятда бўлишига қарамай аниқ зарба берди.
Учрашув тугашига 2 дақиқа қолганидан эса Яго Аспас дарвоза томон 20 метрлар масофадан белгиланган жарима зарбасини ажойиб тарзда голга айлантира олмади. Буни кутмаган тер Штеген ҳеч нарса қила олмади.
"Сельта" қўшиб берилган дақиқаларда ғалабани илиб кетиши ҳам мумкин эди. Аммо Нолитонинг яқин масофадан берган зарбасини Тер Штеген қайтаришга муваффақ бўлди.
Шу тариқа, "Барселона" муҳим очколардан маҳрум бўлди.
Испания Ла лигаси, 32-тур
Сельта – Барселона 2:2 (0:1, 2:1)
Голлар: 0:1 – 20 Суарес, 1:1 – 50 Смолов, 1:2 – 67 Суарес, 2:2 – 88 Аспас.
Сельта – Рубен Бланко, Араухо (Мурильо, 73), Айду, Саэнс, Васкес, Денис Суарес, Мендес (Брадарич, 60), Хакобо Гонсалес (Санти Мина, 81), Йокушлу (Рафинья, 60), Смолов (Нолито, 60), Аспас.
Барселона – тер Стеген, Альба (Фирпо, 81), Пике, Умтити, Семеду, Видаль, Пуч (Артур, 86), Ракитич, Фати (Брэйтуэйт, 69), Месси, Суарес (Гризманн, 81).
Огоҳлантиришлар: Альба (12), Мендес (34), Умтити (53), Араухо (61), Брэйтуэйт (82), Аспас (89), Пике (90).