"Барселона" бош мураббийи Кике Сетьен Ла лиганинг 32-тури доирасида бўлиб ўтган "Сельта"га қарши ўйин (2:2) борасида ўз фикрини билдириб ўтди.
"Рақиб сўнгги дақиқаларда таваккал қилиб олдинга ташланди ва гол уриб, бир очкони қўлга киритди. Биз бундай ҳолатга тушиб қолмаслигимиз керак эди. Чунки биринчи бўлимда рақибга нисбатан анча яхши ўйнадик.
Танаффусгача қулай ҳисобни қайд этишимиз керак эди. Ўйлашимча, футбол адолатсиз. Масалан, Жерарнинг бош билан берган зарбаси голга айланмади. "Барселона" кўп ишларни яхши бажарди. Ўз имкониятларимизни голга айлантира олмаяпмиз. Биринчи бўлимда биз эга бўлган устунлик учрашувда ғалаба қозониш учун етарли бўларди. Баъзида эса омад туфайли гол урасан.
Ҳа, биз 2 очко устунликка эга эдик, энди эса рақибимиз ғалаба қозонса, уларда шундай устунлик юзага келади. Энди очко йўқотишга ҳақимиз қолмади. Назарий жиҳатдан барча ўйинларда ғалаба қозониб, рақибнинг қоқилишига умид қилишимиз керак. Қолган ўйинларда максимал очко жамғаришга ҳаракат қиламиз", – деди Кике Сетьен.