Stadion.uz Криштиану Роналдунинг соч турмаклари эвалютцияси билан қисқача таништириб ўтади.

Роналду “Манчестер Юнайтед”га келганида, ташқи кўриниш борасида мақтана оладиган даражада эмас эди. Уни фақат турли видео ўйинлар ва киритилган голларининг сони қизиқтирган холос.

Кейинчалик, қаҳрамонимиз Девид Бекхэмга тақлид қилишни бошлади ва ўз имижи устида қаттиқ ишлашни бошлади. Тан олиш лозим, унинг бу урунишлари бежиз кетмади. Бугунги кунда Криш сайёрамизнинг энг машҳур фотомоделларидан бири саналади.

2014-йилда бўлиб ўтган ЖЧ чоғида чақмоқ кўринишидаги чизиқлар урфга кирган эди. Роналду буни ўтказиб юбормаслик илинжида янги кўринишда Бразилияга ташриф буюрди.

Кейин “Реал Мадрид”да совринлар ютишни бошлаб юборгач, сочини сариққа бўяшга қарор қилди. Тўғриси, унинг турмагини ҳар мавсумда 50 та гол киритгани учун ҳеч ким танқид қилгани йўқ. Роналду нафақат ташқи кўриниш бобида, балки гол киритиш бобида ҳам ҳаммадан ўзиб кетишга ҳаракат қилди.

“Реал” билан ЕЧЛда 4 бор зафар қучгач, кутилмаганда содда кўринишда омма олдида пайдо бўлди. Кўплаб мухлислар унинг замонавий турмакларига кўникиб қолгани боис, бироз танқид ҳам қилишди.

Қаҳрамонимиз “Ювентус”га ўтгач, сочини яна ўстириш учун турли атрибутлардан фойдаланишга қарор қилди. Қайсидир маънода бу танлов кўплаб танқидчилар томонидан кескин қабул қилинди.

Бир неча ҳафта илгари Криш ўзининг янги соч турмагини оммага намойиш этди.

Кўп ўтмай, “Ювентус”да Куадрадо сингари турмак эгаси иккитани ташкил этаётгани маълум бўлди.

Роналду футбол учрашувлари чоғида узун сочлари ноқулайлик туғдирмаслиги учун яна атрибутларга мурожаат этишга қарор қилди. Бу унинг ўз ишига профессионал тарзда ёндашишига яна бир мисол десак, адашмаган бўламиз.