Италиянинг «Милан» клуби бош мураббийи Стефано Пиоли унинг ўрнини германиялик мутахассис Ральф Рангник эгаллаши ҳақидаги хабарларга муносабат билдирди.
«Мен ҳақиқий профессионал каби ишлаяпман, чунки, ўз футболчиларимни яхши кўраман. Матбуотда ёзилаётган ҳеч бир хабар мени ташвишга солмаяпти. Мен бор эътиборимни ҳозирги вазиятга қаратганман. келажакда нима бўлади? Кўрамиз нима бўлишини.
Мен тарқатилаётган миш-мишлар ҳақида ўйламаяпман ва ўзимни қурбонлик учун аталган қўзичоқдек ҳис қилмаяпман. «Милан»дек жамоани менга ишониб топширишганидан фахрланаман. Мен ўз ишимни виждонан бажаряпман», - деди Пиоли.
