Мюнхеннинг «Бавария» клуби ҳужумчиси Роберт Левандовски Мадриднинг «Реал» клубига кўчиб ўтишга жуда яқин келганини тан олди.
«Ўз вақтида жуда кўплаб миш-мишлар тарқалганди. Мен ҳақиқатдан ҳам «Реал» таркибига кўчиб ўтишни жуда кўп ўйлагандим. Бироқ, якунда «Бавария»да қолишга қарор қилдим ва бу қароримдан афсусланмайман.
Мен Мюнхенда жуда бахтлиман. «Бавария» - катта оила. Клубдагилар мени ҳурмат қилишади ва мен бундан хурсандман», - деди Левандовски.