"Челси" ярим ҳимоячиси Виллиан Англия чемпионатининг 32-тури доирасида бўлиб ўтган "Вест Хэм"га қарши ўйинда 2та гол муаллифига айланди.
"Squawka" тарқатган хабарга кўра, 31 ёшли футболчи барча ойларда (январдан — декабргача) гол урган АПЛ тарихидаги илк ўйинчига айланган.
Маълумот ўрнида. Англия чемпионати коронавирус пандемияси туфайли 3 ойлик танаффусга чиқиб, июнь-июль ойларида сўнгги тур ўйинлари ўтказилмоқда. Аввал бу ойларда АПЛ учрашувлари ўтказилмаган. Виллиан июнь ойида "Манчестер Сити", июлда эса "Вест Хэм" дарвозасига гол урди.