Ушбу рукнимиздаги энг сўнгги янгиликлар билан таништиришда давом этамиз.
“Барселона”дан камтарин трансфер
Каталониянинг “Барселона” жамоаси ёзда “Леванте” ярим ҳимоячиси Хосе Кампаньи билан шартнома имзолаши мумкин.
“MundoDeportivo” нашрининг маълум қилишича, каталонияликлар 27 ёшли футболчининг майдон марказидаги ишончли ўйини сабабли таркибга қўшим олмоқчи.
Эслатиб ўтамиз, “Севилья” жамоаси тарбияланувчиси “Леванте” сафида 142 та ўйинда майдонга тушган ва ўз ҳисобига 11 та гол+ 19 та ассист ёзиб қўйган.
Куман “Барселона”да?!
Каталониянинг “Барселона” жамоасида келаси мавсумдан Роналд Куман иш бошлаши мумкин.
“Daily Mail” нашрининг маълум қилишича, голландиялик мураббий Каталония клубини бошқарувини ўз қўлига олиш ниятида. Аслида, у Евро 2020 турниридан сўнг, Каталонияда иш бошлашни режа қилган эди, бироқ мусобақа ортга сурилгач барчаси ўзгариб кетди.
Манбанинг маълум қилишича, айни дамда Кике Сетьеннинг фаолиятидан “Барселона” футболчиларининг норози ва у келаси мавсумда истеъфога чиқарилади.
Зума 30 миллион?!
Лондоннинг “Челси” клуби Курт Зумани ПСЖга 30 миллион евро эвазига сотиб олишни таклиф қилмоқда.
TF1 нашрининг маълум қилишича, “аристократлар” 25 ёшли ҳимоячини сотиб юбориш ишларини бошлаб юборган.Гап шундаки, жамоа ёзда “РБ Лейпциг” ҳимоячиси Дайот Упамеканонинг трансфери учун 50 миллион евро топиши лозим.
Манбанинг маълум қилишича, Зума учун “Тоттенҳем” ва “Эрвертон” клублари ҳам курашга қўшилган.
Гризман сотиладими?
Каталониянинг “Барселона” жамоасида омадсиз мавсум ўтазаётган Антуан Гризман билан АПЛ грандлари қизиқиб қолди.
“Mundo Deportivo” нашрининг маълум қилишича, Каталония клубига француз борасида “Манчестер Юнайтед” ва “Манчестер Сити” клубларидан таклифлар келиб тушган.
Манбанинг маълум қилишича, “Барселона” ўз футболчисини сотмоқчи эмас. Шу сабабли, тез орада клуб Антуан ва унинг агенти билан учрашув ўтказади.
Эслатиб ўтамиз, амалдаги ЖЧ ғолибининг клуб бош мураббийи Кике Сетьен билан орасидан “ола мушук ўтган”.
“Вердер” ҳимоячиси нишонда
Бременнинг “Вердер” клуби ҳимоячиси Милош Велкович келаси мавсумни гранд клублардан бирида бошлаш арафасида турибди.
“Bild”нинг маълум қилишича, 24 ёшли серб билан “Интер” ва “Латцио” клублари жиддий қизиқиб қолган. Икки клуб ҳам келаси мавсумда ЙЧЛда иштирок этиши мумкинлиги боис, “мусиқачилар” Милошнинг трансферидан яхшигина пул ишлаб олмоқчи.
Эслатиб ўтамиз, Милош ва “Вердер” ўртасидаги шартнома 2022-йилда ўз якунига етади.
