«Бавария» клуби «Манчестер Сити» ярим ҳимоячиси Лерой Сане билан шартнома имзолаганини расман эълон қилди.

24 ёшли футболчи мюнхенликлар билан 5 йиллик шартнома имзолади. Transfermarkt тарқатган хабарга кўра, трансфер суммаси 49 миллион еврони ташкил қилган. Шунингдек, "Сити" яна турли бонуслар шаклида 11 миллион еврони қўлга киритиши мумкин.

Сане келаси ҳафтадан бошлаб "Бавария" сафида янги мавсумга тайёргарликни бошлайди.

«Бавария» — ўз олдига улкан мақсадлар қўйган ажойиб жамоа. Янги синовларда ўзимни синаб кўришни ва жамоа билан машғулотларда иштирок этишни интизорлик билан кутяпман. Германия ёшлар терма жамоасидаги фаолиятим орқали Ханс Фликни яхши биламан. У билан муносабатларимиз жуда яхши эди. «Бавария» билан кўпроқ совринлар ютишни истамайман. Чемпионлар лигаси эса — бош мақсад», — деди Сане.