«Манчестер Сити» бош мураббийи Хосеп Гвардиола жамоани қайтадан қурмоқчи.

The Guardian хабарига кўра, Гвардиоланинг асосий мақсадлари — «Бавария» ҳимоячиси Давид Алаба ва «Наполи» ҳимоячиси Калиду Кулибали.

Гвардиолани 28 ёшли Алабанинг чап қанот ҳимояси ва ҳимоя марказида бир хил даражада ўйнай олиш қобилияти ўзига жалб қилмоқда. Испаниялик мутахассис «шаҳарликлар»нинг айнан ушбу икки нуқтасини кучайтиришга жиддий бел боғлаган.

Аввалроқ «Манчестер Сити» Лерой Сане трансфери доирасида Алабани сотиб олмоқчи бўлганди, бироқ Мюнхен клуби бу таклифни рад этган.

Алаба Бундеслигада 28 та учрашув ўтказиб, 1 та гол ва худди шунча голли узатмага муаллифлик қилган. Кулибали эса А Серияда 17 та ўйин ўтказган.