Буюк Британия полицияси "Манчестер Сити" бош мураббийи Хосеп Гвардиолага ўхшаш кишини қидирмоқда. Бу ҳақда The Sun хабар бермоқда.
Манбага кўра, ҳуқуқ-тартибот идоралари Aнглия шимолида содир этилган қатор жиноятларда айбланаётган номаълум шахсни қидирмоқда. Таъкидланишича, бу инсоннинг футболга алоқаси йўқ.
Эркакнинг фотосурати ланкашир полициясининг матбуот хизмати твиттерида чоп этилди. Ижтимоий тармоқ фойдаланувчилари эса қонунбузарнинг Гвардиолага ўхшашини аниқладилар.
"Гап шундаки, у Пепга ўхшайди", "Гвардиола чемпионликдан айрилганидан кейин ўзгарди", "Гумонланувчи "Этиҳад" стадионида "Манчестер Сити" ва "Ливерпуль" учрашувини кузатган", — деб ёзди фойдаланувчилар.
