"Бухоро" бош мураббийи Муҳсин Муҳаммадиев Суперлиганинг 8-тури доирасида бўлиб ўтган "Сўғдиёна"га қарши ўйин борасида ўз фикрини билдириб ўтди.

"Бизда футболчилар етишмаяпти, ўйин давомида бир ҳимоячимиз жароҳат олди, уни кеча ёшлар жамоаси сафида майдонга тушган футболчи билан алмаштирдим. Икки футболчимиз жароҳатда, тўрт легионеримиз маълум сабабларга кўра кела олишмаяпти. Мана шундай ҳолатда биз баҳсларда қатнашяпмиз.

Биринчи голда қоидабузарлик йўқ эди, ҳакам қоида бузилди деб топди. У ерда тоза тўпга ўйналди. Бундай вазиятлар ўйинга таъсир қилмай қолмайди, гарчи биз ҳисобни кейин тенглаштирган бўлсакда.

Катта танаффусдан кейин вақтида етарлича тайёргарлик кўрмаганимиз, яъни тайёрланишга вақт етмагани футболчиларда жароҳатлар кўпайишига олиб келди. Бу ҳақида биз бир неча бор таъкидлаган эдик", — деди Муҳаммадиев.