23 июль куни Ўзбекистон кубоги гуруҳ босқичи учун қуръа ташлаш маросими бўлиб ўтади. Соат 19:00 да бошланадиган ушбу маросим «Бунёдкор» стадионида бўлиб ўтади ва «Спорт» телеканали орқали жонли эфирда намойиш этилади.

Маълумот учун, гуруҳ босқичида Суперлиганинг 14 клуби ва саралаш босқичида ғолиб чиққан Про лиганинг икки жамоаси иштирок этади.

Ўзбекистон кубоги. Гуруҳ босқичи иштирокчилари

АГМК
«Андижон»
«Бунёдкор»
«Бухоро»
«Локомотив»
«Машъал»
«Металлург»
«Насаф»
«Навбаҳор»
«Оқ-Тепа»
«Пахтакор»
«Қизилқум»
«Қўқон-1912»
«Сурхон»
«Сўғдиёна»
«Шўртан».

Маълумот учун, гуруҳ босқичида 16 жамоа 4 тадан 4 та гуруҳда кураш олиб боради. Қуръа жараёнида кучлилар ёки кучсизлар саватлари бўлмайди. Гуруҳда жамоалар жами 3 тадан ўйинда иштирок этади. Мезбон ва меҳмон мақомини олдиндан кўрсатилган формат бўйича қуръа аниқлаб беради. Қуръа натижасига кўра, гуруҳдаги жамоалардан иккитаси икки мезбон ва бир сафар учрашувида, яна иккитаси эса бир мезбон ва икки сафар учрашувида иштирок этади.

Гуруҳ босқичида дастлабки икки ўринни эгаллаган жамоалар кейинги босқичга йўл олади. Қуръа ёрдамида жамоаларнинг рақиби аниқланади. Бунда 1-ўринни қўлга киритган жамоаларга 2-ўрин эгалари рақиб бўлади. Гуруҳларда 1-ўринни эгаллаган клублар чорак финални мезбон сифатида, яъни ўз уйида ўтказади.