«Интер» Италия чемпионати доирасида кетма-кет иккинчи ўйинда очко йўқотмоқда. Антонио Конте шогирдлари бу сафар "Верона" клуби меҳмони бўлиб, ғалабани қўлдан чиқаришди.

Мезбонлар 2-дақиқадаёқ Лазовичнинг голи эвазига ҳисобни очишди. Иккинчи бўлимнинг дастлабки 10 дақиқаси "нерадзурри" учун омадли келди. Миланлар 49 ва 55-дақиқаларда гол уриб, ҳисобда олдинга ўтиб олишди.

Аммо баҳс тугашига 4 дақиқа қолганида Велозу "Верона"га бир очко келтирган гол муаллифига айланди.

Ушбу дуранг туфайли "Интер" жадвалда 3-поғонани "Аталанта"га бўшатиб берди.

Италия А серияси, 31-тур
Верона – Интер 2:2 (1:0, 1:2)
Голлар: 1:0 – 2 Лазович, 1:1 – 49 Кандрева, 1:2 – 55, автогол Димарко, 2:2 – 86 Велозу.
Верона – Сильвестри, Фараони, Кумбула (Алан Эмперор, 84), Гюнтер, Димарко (Ажапонг, 66), Лазович (Верре, 84), Амрабат, Пессина, Велозу, Ррахмани, Стемпиньски (Ди Кармине, 54).
Интер – Ханданович, де Врей, Годин, Шкриньяр, Янг, Кандрева, Брозович (Весино, 70), Валеро (Эриксен, 88), Гальярдини, Санчес, Лукаку (Мартинес, 77).
Огоҳлантиришлар: Димарко (29), Гюнтер (37), Валеро (45), Амрабат (45), Янг (65).