Мадриднинг «Реал» клуби дарвозабони Тибо Куртуа «Гранада» (2:1) клуби устидан Ла Лиганинг 36-тур доирасида киритилган ғалаба ҳақидаги фикрлари билан ўртоқлашди.

- Ўтказилган 9 та учрашувнинг барчасида ғалаба қозонишда жамоа барча аъзоларини ҳиссаси катта, чунки, бу натижага эришиш осон эмас. Бизга қарши ўйнаган барча клублар жуда яхши ўйин намойиш этишди. Зидан нима деди? Тўп билан назорат қилишни кучайтиришимиз керак ва Родриго ҳамда Асенсиоларнинг тезлигидан фойдаланишимиз керак. Биз сабрли бўлишимиз ва тўпни йўқотмаслигимиз керак эди. Биз осон бўлмаган ўйинни ўтказдик, лекин ғалаба қозониш учун азоб чекишимиз керак эди ва биз буни қилдик. Мухлислар ҳар бир учрашувда ғалаба қозонишимизга ишонашида, чунки, биз — «Реал». Бироқ, бундай эмас, кўплаб рақиблар бизга қарши яхши ўйнамоқда. Ҳар бир учрашувда ғалаба қозониш осон эмас. Биринчи бўлимдаги 5 дақиқани ҳисобга олмаганда, яхши ўйнадик. Иккинчи бўлимни бундай ўтказишни хоҳламадик, бундан ташқари гол ўтказиб юборгандик. Ўз ўйинимизни кўрсата олмадик. Совринни қўлга киритиш учун азоб чекишимиз керак, — Куртуанинг сўзларидан иқтибос келтирмоқда AS.