«Тоттенхэм» бош мураббийи Жозе Моуриньо Спорт арбитраж суди (CAS) томонидан «Манчестер Сити»га нисбатан қўлланилган жазо чорасининг бекор қилиниши юзасидан ўз фикрини билдириб ўтди.

«Сити»ни бир неча миллион жаримага тортиш — бу жирканчли. Бу шармандагарчилик ва фожиа. Агар айбдор бўлмасанг, у ҳолда сени жазоламасликлари керак. Агар айбдор бўлсанг, у ҳолда четлатишлари керак.

Мен «Сити»ни айбдор демайман. Шуни айтаманки, айбсиз томон мутлақо жарима тўламаслиги керак. Бир фунт ҳам тўламаслиги лозим. Уларда пул томонлама муаммо йўқлигини биламан. Агар айб исботланса — дисквалификация қилиш керак. Мен уларни айбдор ёки айбсизлигини аниқлайдиган одам эмасман. Мен қарорнинг ўзини танқид қиляпман.

Ўйлашимча, молиявий фэйр-плей тамом бўлди. Унда маъно қолмади», — деди Моуриньо.