«Реал» ўз мухлисларидан Ла лигадаги чемпионликни нишонлаш учун Мадриддаги Сибелес майдонига тўпланмасликни сўради.
Расмий баёнотда соғлиқни сақлаш органлари ҳамон коронавирусга қарши курашни давом эттиришаётгани таъкидланган.
«Реал»нинг ўзи ҳам Мадрид кўчалари бўйлаб чемпионликни байрам қилмоқчи эмас. Шу боис, жамоа ишқибозлардан оммавий тўпланмасликни сўради.
"Қироллик клуби 16 июль, пайшанба куни ўз уйида «Вильярреал»ни мағлуб этса, мавсум тугашига 1 тур қолганида Испания чемпионлигини қўлга киритади.