"Aтлетико" сардори Сауль Нигеснинг фикрича, Ла Лигада "Реал" чемпионликка эришса, адолатдан бўлади.
"Aгар "Реал" Ла Лигани ютса, бу улар шунга лойиқ бўлгани учун. Улар жуда юқори савияда ўйнашмоқда. Aгар "Реал" VARдан фойдаланган ҳолда жуда кўп пенальтилар ишлаган бўлса, бу рақибга босим ўтказганлари учундир.
Биз учинчи бўлишни хоҳлаймиз. Бу 4-ўринни олиш билан бир хил эмас. Таркибни ҳисобга олган ҳолда, Чемпионлар Лигасига чиқиш жуда муҳимлигини билардик, жамоанинг масъулияти, жавобгарлиги бор ва биз буни бажаришимиз шарт", – деди Сауль.
Испания чемпионати тугашига икки тур қолганида "Реал" "Барселона"ни 4 очко ортда қолдирмоқда. 16 июлб куни "Вильярреал" устидан ғалаба қозонган тақдирда, Мадрид клуби чемпионликни расман кафолатлайди.
