Лондоннинг «Тоттенхэм» клуби ҳужумчиси Харри Кейн жамоа собиқ бош мураббийи Маурисио Почеттино билан ҳозирги бош мураббийи Жозе Моуриньоларни таққослади.
Харри Кейн сўнгги учрашувда жиддий танқидлар остида қолди. Кўпчиликнинг фикрича, «Тоттенхэм»нинг португалиялик мутахассис қўл остидаги ўйин услуби тўпурарнинг кучли томонларини йўқ қилади. Кейн эса кейинги мавсумни кутишга чақирди.
«Шубҳасиз Почеттино ва Моуриньоларнинг ўйин усуллари умуман ўзгача. Моуриньо фақат ғалаба ҳақида ўйлайди. Жорий мавсум бизнинг ҳисобимизда соврин йўқ, лекин мавсумда бу бизнинг асосий мақсадимиз бўлади. У бу ҳақда тушунтириш берди. Жамоада ажойиб муҳит ҳукмронлик қилмоқда.
Бундан ташқари, мураббий янги мавсум олдидан ишлаш учун кўпроқ вақтга эга бўлади ва футболчиларни яхшироқ таниб олади. Ҳозир мен учун – дунёдаги энг яхши мураббийдан керакли нарсаларни ўрганиб олиш ажойиб имконият бор», – деди Кейн BT Sport билан суҳбатда.
«Тоттенхэм» айни пайтда АПЛда саккизинчи ўринни эгаллаб турибди ва еврокубоклардан четда қолиш хавф остида қолди.
