Мабодо, Испания чемпионатининг 37-турида "Реал" клуби "Вильярреал"га қарши ўйинда очко йўқотса, чемпионлик масаласи сўнгги турга қолиши мумкин эди. Бунинг учун эса «Барселона» ўз уйида «Осасуна»ни мағлуб этиши керак эди.

Аммо Кике Сетьен жамоаси ўз уйида ғалаба қозониш вазифасини нафақат эплай олмади, балки мағлубиятга ҳам учради.

Меҳмонлар биринчи бўлимда Арнаиснинг голи эвазига ҳисобни очишди. Иккинчи бўлимда эса Месси жарима зарбасидан ҳисобни тенглаштирди.

Ўйин тугашига 11 дақиқа қолганида "Осасуна" футболчиси Гальего майдондан четлатилди. Қолган дақиқаларда меҳмонлар бир киши кам бўлиб ўйнаганига қарамай, қўшиб берилган дақиқаларда ғалаба тўпини киритишга муваффақ бўлди.

Шу тариқа, "Реал" чемпионликни қўлга киритган бўлса, "Барселона" рақибидан 7 очко ортда қолиб кетди.

Испания Ла лигаси, 37-тур
Барселона – Осасуна 1:2 (0:1, 1:1)
Голлар: 0:1 – 15 Арнаис, 1:1 – 62 Месси, 1:2 – 90+2 Роберто Торрес.
Барселона – тер Стеген, Фирпо (Альба, 79), Семеду (Видаль, 59), Лангле, Серджи Роберто, Ракитич (Бускетс, 67), Пуч (де Йонг, 79), Фати, Пике, Месси, Брэйтуэйт (Суарес, 59).
Осасуна – Эррера, Навас, Давид Гарсия, Видаль, Аридане, Брашанац (Ойер Санхурхо, 46), Иньиго Перес, Арнаис (Гальего, 71), Монкайола (Роберто Торрес, 85), Эступиньян (Тони Лато, 90), Адриан (Барха, 70).
Огоҳлантиришлар: Семеду (54), Ракитич (57), Эступиньян (63), Пике (69), Фирпо (75).
Четлатиш: Гальего (77).