"Ювентус" клуби таркибни ёшартириш мақсадида ёзда 8 нафар футболчини сотиб юбориши мумкин.
"Tuttosport" тарқатган хабарга кўра, Лука Пеллегрини, Кристиан Ромеро, Маттия Де Шильо, Даниэле Ругани, Сами Хедира, Блез Матюиди, Федерико Бернардески ва Гонсало Игуаин ёзда туринликлар сафини тарк этиши мумкин.
Ўз навбатида "кекса синьора" 3 нафар ҳужумкор футболчилари — Аркадиуш Милик ("Наполи"), Федерико Кьеза ("Фиорентина") ва Никола Дзаньоло ("Рома")ни сотиб олишни кўзламоқда.
Эслатиб ўтамиз, "Ювентус" А сериянинг 33-туридан кейин 77 очко билан пешқадамлик қилмоқда. Жамоа 2-ўриндаги "Интер"дан 6 очко олдинда бормоқда.