Кеча ташланган Ўзбекистон Кубоги гуруҳ босқичи қуръаси ҳақида «Локомотив» бош мураббийи Андрей Фёдоров ўз фикрларини билдириб ўтди.

«Гуруҳимиз қизиқарли ва тенг кучли жамоалар йиғилган. Ушбу жамоалар билан кўп ўйнаганмиз ва жамоаларнинг кучли ва кучсиз томонларини яхши биламиз. Ҳозирда барча жамоаларнинг кучи тенг. Рақиб қандай бўлишидан қатъи назар «Локомотив» олдига юқори мақсадларни қўяди. Биз мамлакат кубоги ўйналадиган турнирга позитив қараймиз ва совринни қўлга киритишга ҳаракат қиламиз. Ҳозирда гуруҳимиздаги фаворит жамоани олдиндан айтиш қийин. Ундан ташқари кубок ўйинларининг ўтказилиш санаси ҳам, клублар бунга қандай ҳолатда боришини ҳам билмаймиз», - деди Фёдоров.

Эслатиб ўтамиз, жамоамиз Ўзбекистон Кубоги гуруҳ босқичида «Бухоро», «Сўғдиёна» ва «Шўртан» каби жамоаларга қарши баҳс олиб боради.