«Милан» ҳужумчиси Златан Ибраҳимович фаолиятини давом эттириш нияти борлигига ишора қилди. 38 ёшли футболчининг "россонери" билан тузган шартномаси якунланмоқда. Швециялик ўйинчи фаолиятини қаерда давом эттириши ҳозирча аниқ эмас.

«Ўйлайсизки, менинг фаолиятим тез орада якунланадию, менда футболга берадиган ҳеч нарса қолмадими? Мени билмас экансиз. Мен бутун умр курашишимга тўғри келган. Ҳеч ким менга ишонмаган. Шу боис, ўзимга ўзим ишонишимга тўғри келган. Баъзилар мени синдиришни истаганди, аммо улар мени кучлироқ қилишди холос. Бошқалар мендан ўз манфаатлари йўлидан фойдаланишни истаган эди, аммо улар мени фақат ақлли қилишди. Энди сиз мени тамом бўлди, деб ҳисоблайсизми? Барчага айтар гапим шуки, мен сизга ўхшамайман, чунки мен сиз эмасман. Мен Златан Ибраҳимовичман. Мен энди қизияпман», — дейди Златан эълон қилган видеороликда.