Opta порталининг тарқатган маълумотига қараганда, Англиянинг "Манчестер Юнайтед" клуби дарвозабони Давид Де Хеа клуб рекордини қайд этди. Гап шундаки, испаниялик дарвозабон 38-тур доирасида "Лестер" (2:0) клубига қарши бўлиб ўтган учрашувдан сўнг, ўзининг клубдаги 113-"қуруқ ўйинини" ўтказишга эришди. Де Хеа шу тариқа "МЮ"нинг афсонавий дарвозабони Петер Шмейхелни ортда қолдирди.
Ўз навбатида, "Манчестер Сити" клубининг бразилиялик дарвозабони Эдерсон "АПЛ олтин қўлқопини" қўлга киритди. "Шаҳарликлар" дарвозабони жорий мавсум 35 та учрашувнинг 16 тасида "қуруқ ўйин" намойиш этди.
