Испаниянинг «Мальорка» клуби ярим ҳимоячиси Лука Ромеро Ктаалониянинг «Барселона» клуби ҳужумчиси Лионел Месси билан таққослашларини ёқтирмаслигини айтиб ўтди.

Ромеро 15 ёш 219 кунлигида асосий таркибда майдонга тушиб, Ла Лиганинг энг ёш футболчисига айланди.

- Месси билан солиштиришлари мени ғазаблантиради. Месси фақат битта, мен эса ўз исмимни машҳур қилмоқчиман. Лука Ромеро бўлишни хоҳлайман. Мен Мексикада туғилганман, лекин оилам Аргентиналик. Агар мени Аргентина терма жамоасига таклиф қилишмоқчи бўлса, у ҳолда мен улар таркибида ўйнашга тайёрман. Майдонда плеймейкер вазифасини бажаришни яхши кўраман. «Мальорка» сафида майдонда мана шу позиция мавжуд. Агар бундай позиция бўлмаса, у ҳолда ўнг қанотда ўйнайман. «Мальорка» жамоаси футболчисига айланганимдан кейин анча ўсишга эришдим. Мен илгари фойдаланмаган ўнг оёғимда яхши ўйнашни ўзлаштирдим, — деди Ромеро Marca билан суҳбатда.