Кириш Регистрация
28/03 19:00 Динамо 2-1 Металлург
29/03 19:00 ОКМК - Бунёдкор
29/03 19:15 Қизилқум - Локомотив

«Челси»нинг уч футболчиси Англия Кубоги финалида жиддий жароҳат олди

Баҳо:
+ | -

«Челси» клубининг уч нафар футболчиси «Арсенал»га (1:2) қарши кечган Англия Кубоги финалида жароҳат олди.

Лондонликлар сардори Сесар Аспиликуэта биринчи бўлимда жароҳат олди ва кўз ёш тўккан ҳолда майдонни тарк этди. Иккинчи бўлим дебютида эса Кристиан Пулишич сафдан чиқди.

«Кўклар» устози Фрэнк Лэмпарднинг маълум қилишича, ҳар икки футболчи ҳам тизза орти пайларидан жароҳат олган. Футболчилар яқин орада тиббий кўрикдан ўтади.

Шунингдек, Пулишичнинг ўрнига майдонга тушган Педро ҳам ўйин якунланиши арафасида елкасидан жароҳат олди. Дастлабки тахминларга кўра, испаниялик футболчида елка чиқиши кузатилган бўлиши мумкин.

Шу тариқа, Аспиликуэта ва Пулишич Европа Чемпионлар Лигаси 1/8 финал жавоб баҳсидан ўрин олган «Бавария»га қарши ўйинда иштирок эта олмайди. Педронинг иштирок этиш масаласи сўроқ остида қолмоқда.

«Бавария» ва «Челси» жамоалари ўртасидаги учрашув 8 август куни Мюнхенда бўлиб ўтади. Дастлабки ўйинда немис клуби 3:0 ҳисобида ғалаба қозонганди.

Манба: daryo.uz
Киритилди: 19:19, 02.08.2020.
Ўқилди: 3291 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.