Италиянинг «Интер» клуби бош мураббийи Антонио Конте Туриннинг «Ювентус» клубига қайтишни хоҳламоқда дея ёзмоқда La Repubblica.
Мутахассиснинг ҳозирги жамоаси билан муаммо юзага келди. Италиялик мураббий клуб раҳбариятини футболчилар ва мураббийлар штабини қўллаб-қувватламаётгани учун кескин танқид остига олганди.
«Интер» Конте билан хайрлашиш ниятида эмас. Лекин, вазият яхши тарафга ўзгармаса, у ҳолда «нерадзуррилар» мутахассисдан Европа Лигаси ўйинлари якунига етгунга қадар ишлаб туришини илтимос қилишади.
Италия ОАВси тарқатган маълумотга қараганда, Контенинг ўзи «Ювентус» клубига қайтишни хоҳламоқда. Мутахассис «бьянконерлар» сафига қайтишга ўтган йили ҳаракат қилиб кўрганди. Контенинг номзодини "Ювентус" клуби бош директори ва спорт директорлари қўллаб-қувватлаганди, лекин клуб хўжайинлари бу битимни амалга ошишига қаршилик қилишганди.
