"ПСЖ" ҳимоячиси Левен Курзава Чемпионлар лигасининг чорак финалидаги "Aталанта"га қарши учрашувни ўтказиб юборади. Бу ҳақда парижликлар расмий сайтида хабар берилди. Футболчи Франция Лигаси кубогининг финал учрашувида ўнг сони мушакларини жароҳатлаб олган. Жароҳатдан фориғ бўлиш учун тахминан икки ҳафта вақт керак бўлади.
Олдинроқ ярим ҳимоячи Марко Верраттининг ҳам "Aталанта"га қарши учрашувни ўтказиб юбориши мумкинлиги ҳақида ёзгандик. Буни қарангки, ҳужумчи Килиан Мбаппе ҳам майдонга туша олмаслиги мумкин. У Франция кубоги финалида олган жароҳатидан тикланиш билан банд. У айни дамда тўпсиз шуғулланмоқда.
